Europa

Botere Judizialaren Kontseilu Nagusiak Murtziako epaile bat zigortzea erabaki du, bikote lesbiana batek ume bat adoptatzeko egin beharreko tramitazioan atzerapenak eragiteagatik. Fernando Ferrin epaileari aurrez ere ireki zioten espedientea, ama bati lesbiana izateagatik bi alaben zaintza kentzeko epaian “adierazpen nabarmenak” egitearren.

Botere Judizialaren Kontseilu Nagusiaren Diziplina Batzordeak aho batez erabaki du epailea zigortzea, Kontseiluaren ikuskaritza zerbitzuak eskatu bezala, organo horretako iturriek jakinarazi dutenez.

Botere Judizialaren Lege Organikoaren 418-11 artikulua hautsita hutsegite larria egin duela egotzita zigortu dute. Ferrin Calamita epailea familia auzietan da aditua. [EITB]

Bi neskak ahizpak dira. Bahitzaileek 10.000 libra exijitu zizkieten gurasoei. Hala egin ezean, atzerrian sexu esplotazioan erabiliko zituztela mehatxu egin zieten.

Poliziak lau pertsona atxilotu ditu Madrilen, Manchesterren (Ingalaterra) bi neska bahitzea egotzita.

Biak ahizpak dira. Horietako bat, 14 urtekoa, britainiar hirian aske utzi zuten. Bestea, 17 urtekoa, Madrilen atxikita zuten eta Poliziak askatu behar izan du.

Lehenengo neskatoak ez zuen lesiorik aske geratu zenean. Bigarrenak, baina, tratu txarrak jasan dituela esan du.

Ustezko egileetako bi Madrilgo bus geltoki batean atzeman dituzte. Adingabeen aitarekin geratu ziren bertan, bahisaria jasotzeko.

Bahitzaileek 10.000 libra exijitu zizkieten gurasoei bi neskak aske uzteko. Hala egin ezean, atzerrian sexu esplotazioan erabiliko zituztela mehatxu egin zieten.

Poliziaren arabera, bahitzaile batek neskatoetako batekin harremana hasi nahi zuelako eta haren gurasoek baimenik eman ez ziotelako egin dute bahiketa. [EITB]